وكالات//

علنات وسائل إعلام روسية، نهار الثلاثاء الفايت، أن النجمة العالمية جينيفر لوبيز قرّرات تلغي حفل موسيقي كان مبرمج فـ موسكو فشهر غشت الجاي، والسبب هو الخوف على سمعتها فالولايات المتحدة وأوروبا، خصوصا مع استمرار التوترات الجيوسياسية.

حسب شبكة “News.Az”، اللي نقلات الخبر عن مصادر أجنبية، فلوبيز كانت وافقات مبدئياً على العرض، وكانو متفقين تعطي الحفل مقابل أجر يفوق مليون دولار، وحتى التاريخ كان تحدّد، ولكن فالأخير، الحفل تلغى.

منصّة “Mash” قالت إن الفريق ديال لوبيز عبّر عن تخوّفو من العواقب اللي ممكن توقع إلى دارت حفلات فروسيا أو دول من رابطة الدول المستقلة بحال كازاخستان، أوزبكستان، وأرمينيا.

ورغم أنها ما سداتش الباب قدّام الظهور فهذ الدول مستقبلاً، قرّرات تأجل أي نشاط فني تما حتى يلقاو حلّ للنزاع اللي واقع فـ أوكرانيا.

فالسياق نفسه، رئيس وكالة الحفلات الكبرى “PMI”، يفغيني فينكلشتاين، أكّد أن المحادثات مع فريق لوبيز كانت بالفعل، لكن ما بغاش يعطي تفاصيل أكثر.