كود -وكالات//

دراسة جديدة كتشير بلي الجينات عندها دور كبير فـتحديد المستوى الاجتماعي والاقتصادي ديال الإنسان كثر حتى من البيئة فبعض الحالات، حسب باحثين من جامعة لوند 75% من الفروقات فمستوى الذكاء ممكن تكون راجعة للعوامل الوراثية، وما بين 69% و98% من العلاقة بين الذكاء والدخل أو التعليم مرتبطة حتى بالجينات.

الدراسة دّارت على 880 تويمي، باش يقارنوا بين توام حقيقيين وتوام ماشي مطابقين، باش يفرقوا بين تأثير الجينات وتأثير التربية والبيئة العائلية، المشاركين ترباو فبيئات عائلية متشابهة، ولكن الاختلاف الجيني خلا الباحثين يشوفو الفرق الحقيقي.

الباحثين دارو قياس الذكاء ف 23 سنة، ومن بعد تراقب الوضع الاجتماعي والمهني والدخل فسن 27، باش يشوفوا كيفاش الذكاء كيتحول لفرص فالحياة العملية.

النتائج بينات أن الخلفية العائلية ماشي هي العامل الوحيد، ولكن الاستعدادات الجينية عندها وزن كبير ففرص النجاح. وخا هكاك الباحثين كيوضحو أن هذا ما كيعنيش أن مصير الإنسان محدد نهائياً بهم، حيث التفاعل بين الجينات والبيئة كيلعب دور مهم، والسياسات التعليمية والاجتماعية مازال عندها تأثير قوي..