گود سبور//
واصل المنتخب الوطني المغربي لأقل من 20 عام المكون من ولاد جيلZ، كتابة التاريخ فـ مونديال U20 المقام حاليا فـ الشيلي وتأهل للفينال.
المنتخب الوطني المغربي لأقل من 20 عام تأهل للفينال، بعدما ربح منتخب فرنسا فـ الدومي فينال، اليوم الأربعاء بالبينالتيات بنتيجة 6-5، مع العلم أن الماتش سالا فـ الوقت ديالو الأصلي بنتيجة التعادل واحد لواحد بين المنتخبين، ومشاو لعبو الشوطين الإضافيين وبقاو معادلين.
وبهذه النتيجة تأهل المنتخب الوطني المغربي إلى نهائي كاس العالم لأقل من 20 عام، لأول مرة فـ تاريخ الكورة المغربية، وغايلعب ضد المتأهل من دومي فينال الأرجنتين وكولومبيا.
