كود الرباط //

الكراندي طوطو، الفنان العالمي، لي هارب بزاف فالراب، وشد الطوندوس، مؤخرا، باغنيتو الجديدة “silhouette”، حضر لبارح لمهرجان “فيزا فور ميوزيك”، فالليلة الختامية لي كانت لبارح فقصر التازي لي حدا البرلمان.

المهرجان، كان فيه جيل شبابي، جيل محب للحياة ناشط فرحان، أغلبيتهم ضاربين الطاسة وتمتعو بالموسيقى لي كانت خليط ديال الموسيقى الإفريقية والعالمية.

طوطو الفنان العالمي، هو صورة لهاد الجيل المحب للحياة، تمتع بالأجواء والنشاط لي كان فقصر التازي.

طوطو غنا فهاد المهرجان الشبابي فاليوم الأول، وحضر فالاختتام لي عامر بجيل محب للحياة، جيل مغرب جديد جاي، مغرب الحريات الفردية. مهرجان مافيهش حوادث ولا مشاكل ولا حتى حاجة ولا فوضى، كولشي متسامح مع ذاتو كولشي فرحان.