الرئيسية > تبركيك > جيل جديد ديال الحراكَة خلقاتو كورونا.. تونسيين حركَو للطاليان ضاربين الشورطات والنظاظر وگاروهم فيديهم وجايبين معاهم كانيش
28/07/2020 12:00 تبركيك

جيل جديد ديال الحراكَة خلقاتو كورونا.. تونسيين حركَو للطاليان ضاربين الشورطات والنظاظر وگاروهم فيديهم وجايبين معاهم كانيش

جيل جديد ديال الحراكَة خلقاتو كورونا.. تونسيين حركَو للطاليان ضاربين الشورطات والنظاظر وگاروهم فيديهم وجايبين معاهم كانيش

عفراء علوي محمدي- كود//

فيروس كورونا المستجد ساهم فظهور جيل جديد من الحراكَة، لبارح الاثنين 11 تونسي جاو حاركَين لجزيرة لامبيدوزا الإيطالية، هاربين من الأزمة الاقتصادية اللي كيواجهوها فتونس، وكانو لابسين مزيان ودايرين النظاظر، وشادين الكَارو فيديهم، وواحد فيهم جايب معاه الكلب ديالو، كانوا كيبانو مرتاحين وعارفين بللي الطاليان غيرحبو بيهم.

الصور ديال هذ الحراكَة تنشرات فصحيفة “كورييري ديلا سيرا” الإيطالية، وتداولوها مجموعة من المنابر الإعلامية فالطاليان.

ومازال الحراكَة كيتوافدو على جزيرة لامبيدوزا الإيطالية بالمئات، وغير فيوماين، عدد الحراكةَ اللي وصلو لجزيرة لامبيدوزا الإيطالية تجاوز 500، وسائل إعلامية إيطالية تكلمات على 240 شخص وصل نهار الأربعاء 23 يوليوز، و294 وصلو نهار الخميس، وكاين منهم اللي كايجيو بوحدهم، وكاين اللي كيتم إنقاذهم من طرف سلطات السواحل الإيطالية.

ومنذ بداية العام ، عرفات لامبيدوزا وصول عدد كبير من المهاجرين بالمقارنة مع نفس الفترة من العام الماضي، أغلبهم خرجو بسبب أزمات اقتصادية واجتماعية وسياسية كتمر منها البلاد بسبب كورونا.

المقال الاصلي:

Lampedusa : 11 Tunisiens débarquent en short, lunettes de soleil et cigarette à la main

موضوعات أخرى