كود الرباط//

روبرت دولغر، سفير جمهورية ألمانيا الاتحادية بالمغرب، دار جيست زوين اليوم مع عائلات لاعبات المنتخب المغربي النسوي لكرة القدم، بحيث عيطليهم واستقبلهم داخل الإقامة ديالو باش يتفرجو معه فماتش المنتخب النسوي ضد نظيره الألماني.

وحسب مصادر “كود” السفير الألماني تمكن يجيب عائلات اللعابات خصوصا الأمهات ديالهم، باش يتفرجو معه.

وحضر الحفل كذلك، إلى جانب السفير الألماني، سفير أستراليا لي شارك فهاد الحفل لي عندو رمزية خاصة.

الأم المغربية بهاد اللقاءات كتحظى بقيمة كبيرة لدى سفراء ومسؤولي دول عظمى بحال ألمانيا.

السفير واخا ربح منتخبو الوطني لكن قلبو كامل مع عائلات لاعبات المنتخب المغربي، وفرح معهم وجلس معهم.