محمد مشهوري – كود//
من بعد فيلم التوني ديال بركان والخريطة ديال المغرب، ومن بعد خطاب سي عبد المجيد على الضرب بالحجر، كملات الباهية، وهاذ المرة فواحد الجريدة تابعة لسربيس الوذن ديال عسكر الجيران، اللي مخدمة مختصين فالتشيار عوض ما يعطيو الخبار ديال شنو واقع فالمنيعة وولاية الاغواط من تفشي الفقر والميزيرية رغم الغاز والبترول.
خبراء التشيار مشاو بعيد، وجاتهم سريسرة ديال الخيال ضحكات عليهم أمة سيدنا محمد وأمة سيدنا عيسى وأمة سيدنا موسى وأمة بودا والهندوس وسلالة سيدنا آدم.
شحال هذي، كنا كنقولو الهبال مهما طال ليه الدوا، لكن هبال جيراننا بوحدو حيث عندهم متلازمة سميتها المغرب، باقي العلماء ما لقاوش ليها الدوا.
الأمل الوحيد هو شي رقية شرعية بالدرونات لعلى وعسى .
