الرئيسية > آش واقع > جو ديال الخدمة جنائزي فمحكمة الاستئناف فكازا بسباب تأديبات القضاة والتسجيل الصوتي وأحكام مشبوهة ببراءة منعش عقاري وقضاة طالع ليهم الدم من غياب مواقف واضحة للرئيس الأول للمحكمة والوكيل العام في قضية لوسكي
21/09/2020 13:00 آش واقع

جو ديال الخدمة جنائزي فمحكمة الاستئناف فكازا بسباب تأديبات القضاة والتسجيل الصوتي وأحكام مشبوهة ببراءة منعش عقاري وقضاة طالع ليهم الدم من غياب مواقف واضحة للرئيس الأول للمحكمة والوكيل العام في قضية لوسكي

جو ديال الخدمة جنائزي فمحكمة الاستئناف فكازا بسباب تأديبات القضاة والتسجيل الصوتي وأحكام مشبوهة ببراءة منعش عقاري وقضاة طالع ليهم الدم من غياب مواقف واضحة للرئيس الأول للمحكمة والوكيل العام في قضية لوسكي

كود كازا//

تباين المواقف حول اعتقال نائب وكيل الملك لوسكي والتداعيات ديالو خلات بزاف ديال القضاة بمحكمة الاستئناف فكازا كيخدمو في جو مشحون كلو سلبية. ومنهم اللي معجبوش كيفاش تعالج الملف في الأصل بهاذ الطريقة وكاين فيهم اللي نتاقد غياب الرئيس الأول للمحكمة والوكيل العام للملك عن مجرى الأحداث، على عكس النائب ديالو المسعودي اللي بان ضابط الشغل ديالو وكيدافع على سلطة القانون وسلامة الإجراءات في الملف.

هاذ النائب الأول للوكيل العام انتقادوه مجموعة من القضاة اللي دافعو على قضية إحالة نائب وكيل الملك قبل اعتقالو على المجلس الأعلى للسلطة القضائية، أما دابا الانتقادات غادية في اتجاه علاش المسعودي اللي كيشغل غير منصب النائب الأول للوكيل العام بانت عندو جرأة في الدفاع على سلطة النيابة العامة عكس باقي المسؤولين القضائيين بالمحكمة.

سرعة تلاحق الأحداث داخل المحكمة زادت من منسوب الاستياء والتوتر وسط القضاة وخلات جو الخدمة جنائزي، خصوصا مع التسريبات عن نقاشات حول أحكام مشبوهة بالبراءة في ملفات قضائية متابع فيها منعش عقاري عندو مقاهي سياحية فكازا، إضافة إلى العقوبات التأديبية المرتقبة اللي قريب غادي يصدرها المجلس الأعلى للسلطة القضائية واللي مخليا كلشي على أعصابو وكيتسنى في مفاجآت آخر ساعة داخل أكبر محكمة في البلاد.

وبطبيعة الحال الفضيحة الأخيرة ديال التسجيل الصوتي اللي خلات المفتشية العامة للمجلس الأعلى للسلطة القضائية تحقق في الملف في طرف 24 ساعة وتسمع لجوج قضاة بالنيابة العامة فالمحكمة وحتا هي لعبات دور كبير في التشنجات الحالية وخلات بزاف منهم كيشوف تا حاجة ما تبدلات وأن القاضي معندوش استقلالية حقيقية وباقي خاضع للتبعية الإدارية بحالو بحال المفتشية العامة اللي ما كتحرك للبحث والتحري والتفتيش غير بتأشيرة من المجلس الأعلى للسلطة القضائية وهاذي ماشي معقول والأكثر من ذلك، القاضي موضوع التأديب اللي بغا يطعن كيلقى راسو قدام الخصم ديالو اللي كيترأس محكمة تضم الغرفة الإدارية.

موضوعات أخرى

20/10/2020 19:00

المغرب بلاد مافيهاش مكة ولا الفاتيكان مافيهاش الحرية ديال برشلونة ولا متاحف سان بيترسبرغ ولا جزر اليونان وشواطئ الطاليان وابلاد مافيها حتى شي حاجة إستثنائية لي يشوفها الواحد ومع ذلك مايضربش فيها حتى الطاسة وينيك على خاطرو وباغينها تكون سياحية باش بالدعاء

20/10/2020 18:30

الجو تقلب والعجاجة رونات عدد من المدن المغربية.. الأرصاد الجوية لـ”كود”: كاين اضطراب جوي وها شنو جاي معاه وها سبب لعجاجة

20/10/2020 18:20

حملة الأيادي النظيفة اللّي طلقها الحموشي طيحات عنصر فـ”الديستي” عندو علاقة بقضية كبيرة دلحشيش: جات موراه الـBNPJ من فاس

20/10/2020 18:00

المتطرف الصفريوي اللي كان فالاصلاح والتجديد واللي كيعرف وزراء من البي جي دي قسمو ليه ظهرو: ماكرون سد ليه جمعيتو ومازال فالتحقيقات بسباب قطع رأس استاذ التاريخ

20/10/2020 17:30

حصيلة كورونا اليوم: 3254 مغربي ومغربية تصابو و51 ماتو و2417 تشافاو.. الطوطال: 179003 إصابة و3027 وفاة و148838 متعافي.. و27138 كيتعالجو منهم 592 حالتهم خطيرة

20/10/2020 17:00

بعد تعديل اتفاقية التبادل الحر: أردوگان لي عندو سفارة فاسرائيل هاجم المغرب لي مدايرش علاقات رسمية مع تل ابيب.. وبكل حقارة وكالتو الاناضول: محمد السادس ربح جائزة “اصدقاء صهيون”