وكالات //

نهار الجمعة اللي فاتت خسر الممثل البريطاني جوني ديب الدعوة القضائية اللي كان رفعها ضد طليقتو الممثلة آمبر هيرد، واللي كان متهمها بالتشهير بعدما نشرات مقال رأي كيهضر على العنف المنزلي.

المقال تكتب ف2018 وما تذكراتش فيه سمية جوني ديب، ولكن حس براسو هو المعني بيه، خصوصاً أنه كيهضر على العنف المنزلي بعد الطلاق ديالهم بفترة قصيرة.

جوني ديب كان كيطالب ب100 مليون دولار كتعويض، ولكن ما قدرش يبرر للقضاء بللي المقال عليه، خصوصاً أن سميتو ما تذكراتش وطليقتو دارت مرافعة دافعات فيها على راسها، وقالت أن المقال كان متماشي مع المصلحة العامة.