سامي العلوي -كود الجديدة //

الجندارم ديال الجديدة تمكنو اليوم الاتنين من توجه ضربة قوية لشبكة تهريب الحشيش لبرا عبر سواحل الجديدة ،بحيت احباط محاولة تهريب كمية كبير ديال الحشيش وصلات 2 طن وربع ، مقسمة على 57 رزمة، كل وحدة مغلفة مزيان وكاتحمل رموز مختلفة، وكانو باغيين يصيفطوها للبحر باش يصدروها ،وذلك على مستوى شاطئ بو نعيم شمال مدينة الحديدة مع توقيف عدد من الاشخاص .

المصدر ديال “كود ” قال ،ان هذا العملية شارك فيها فرقة ميدانية تابعة للدرك، مع الكلاب المدربة، والفرقة العلمية ، وزيد عليهم البحرية ديال ميناء الجرف الأصفر، اللي قدرو يوقّفو قارب تقليدي فالبحر، كان غادي يستعملوه فالنقل والشحن السري.

المصدر نفسه قال ،ان بعد عملية التوقيف حجزو درك الجديدة بزاف ديال الوسائل اللوجيستيكية اللي استعملوها، بحال الطوموبيلات اللي كينقلو بها البضاعة ليتم نقل الحشيش والمعدات والأشخاص إلى مقر القيادة الجهوية ديال درك الحديدة من اجل مواصلة التحقيق وذلك تحت اشراف النيابة العامة المختصة ،لكشف عن باقي افراد الريزو لتهرب الحشيش لبرا .