وكالات//

حكمات محكمة أسترالية بالحبس على والدين راقصة باليه مراهقة بعدما تسببو ليها فالتجويع وزورو شهادة الميلاد ديالها باش تبان صغر فالعمر، ويبقاو محافظين على الوزن المنخفض باش تشارك ف مسابقة ديال الرقص.

وتبين معاناة الفتاة ملي دخلت للسبيطار وهي كتوزن 27 كيلو فقط، مع مؤشر كتلة جسم ديال 12.5، وهو رقم خطير كيبين على سوء تغذية كبير.

الوالدين رفضو يعطيو الأكل لابنتهم عبر الأنبوب الطبي، وهذا خلا السلطات تدخل وتوضعها تحت الرعاية ديال الدولة.

ورغم أن الفتاة طلبات من المحكمة يطلقو والديها، حكمات محكمة بيرث فغرب أستراليا بسجن الأب 6.5 سنوات والأم 5 سنوات، بسبب الإهمال اللي كان مهدد حياتها.

التحقيقات بينات أن الوالدين ما اكتفاوش غير بالتجويع ديالها، بل دارو تزوير فالعمر ديالها فوثائق رسمية باش تبان أصغر رغم أنها فاتت ف العشرين.

القاضية قالت إن الفتاة عانت من التقزم بسبب سوء التغذية، وحرموها من التفاعل الاجتماعي اللي مناسب لسنها بسبب التعليم المنزلي اللي دازت فيه.