وكالات//

كشفات تقارير إعلامية أن النجم البرتغالي كريتسانو رونالدو، لاعب النصر السعودي حاليا، تزوج فعلا بجورجينا، وكانو دارو عرس فالمغرب.

على حساب ماقال موقع “Velvet Gossip” الطالياني، فرونالدو دار العرس لجورجينا عام 2019 فمدينة مراكش، وحضرو غير عائلتو وصحابو.

وقالت إن رونالدو قرر أنه يدير عرس مغلق فواحد الفندق فاخر فمراكش باش يبقى بعيد على العين د الناس والهضرة والمتطفلين.

بالنسبة للممتلكات ديالو وباش ماتديرش ليه جورجينا نوض ونوض، كيقول الجورنال أن كريستيانو مشا لمدينة ماديرا البرتغالية، لي تزاد فيها، ودار شي إجراءات مع المحامي ديالو باش يحمي راسو.