كريم الصوفي – كود//
قالت عدد من الجورنالات الصبليونية، أن مكتب المدعي بالمحكمة الإقليمية ف قادس طلب، مؤخرا، بفرض عقوبات سجنية ثقيلة على 26 متهم في ريزو ديال تهريب الحشيش بين المغرب والصبليون، كيتزعمو المدعو عبد الله الحاج الصادق (ميسي الحشيش).
حسب التقارير ذاتها، فمن المقرر باش تبدا محاكمة المتهمين في أكتوبر للي جاي، ومن المحتمل بزاف باش يتحكم عليهم بحوالي 455 عام ديال الحبس، بالإضافة إلى غرامات قياسية بسباب عمليات ضخمة ديال تهريب الحشيش بين فبراير 2016 ويناير 2017.
تجدر الإشارة إلى أن الأجهزة الأمنية والاستخباراتية تؤكد حسب تقارير إعلامية، أن “ميسي الحشيش” كاين في المغرب وكيعيش حياة طبيعية ف شمال المملكة. هاذ بارون المخدرات هرب من إسبانيا ف مارس 2019 بعدما كان مطلوب للعدالة بعد تفكيك الريزو الأول ديالو. وحتا لدابا تم تفكيك حوالي 4 ديال الريزوات بين المغرب والصبليون كلهم تابعين ليه.
https://www.google.com/amp/s/www.europasur.es/campo-de-gibraltar/Messi-hachis-Fiscalia-prision-miembros-clan_0_1900311325.amp.htmlريزو
موضوعات أخرى
