كود – كازا ///

ذكرات جورنالات صبليونية، أن التكلفة ديال “الحريگ” من المغرب للصبيلون في الصيف الحالي  وصلات لمبالغ مالية كتراوح بين 2500 و4000 أورو، حسب المسار المقترح (مضيق جبل طارق أو الأطلسي الكناري).

وحسب تقرير نشرو مرصد إسباني تابع للمنظمة العالمية لمكافحة الجريمة المنظمة العابرة للحدود، ولى المسار ديال الهجرة البحرية السرية بين المغرب والكناري هو اللي كيعرف نشاط كبير مقارنة بمضيق جبل طارق.

وتم إجراء دراسة ميدانية من طرف المرصد بالتنسيق مع جمعيات غير حكومية مهتمة بظاهرة الهجرة السرية. وحسب نتائج هاذ الدراسة، فمسار مضيق جبل طارق هو اللي التكلفة ديالو عالية وتقدر توصل لـ4000 يورو، بينما طريق الأطلسي الكناري وصلات تكلفة الحريگ فيه إلى 2500 يورو.