وكالات//

مزال ماقدرش الفنان اللبناني المشهور جورج واسوف ينسى الموت ديال ولدو وديع، وقال ف آخر التصريحات ديالو بأنه مزال مصدوم من الموت ديالو.

وقال جورج واسوف لي كان مشارك فواحد البودكاست ديال عمرو أديب وأصالة، أن الخبر ديال الموت ديال أكبر الأولاد ديالو نزل عليه كالصاعقة ولكن في النهاية تقبل الوضع والواقع المرير، واخا أثر عليه بزاف ومزال ماقدرش يحيدو من بالو.

وصرح جورج واسوف ” “أتكـسر ضهري بس قدرت أتحمل وطلعت أضحك وغنيت للناس بعد 6 شهور بس الحزن بقلبي”

وعاود أكد ليهم أن هذا هو أسوأ ما وقع ليه فحياتو، وقال أنه كيفضل مايبقاش يعاود يتفكر هادشي لي أنه كيضر قلبو.