وكالات//

من بعد ما خرجات إشاعات على انفصاله عن مراتو، خرج جورج كلوني مع أمل علم الدين باش ياكلو فواحد من الريسطورون فمدينة نيويورك، اللي كيسكنو فيها دابا.

وجورج دار تغيير كبير فشكلو قبل ما يدير دورو الجاي فمسرح برودواي، حيث ظهر الممثل اللي عندو 63 عام بشعر جديد، وتخلا عن شعره الفضي اللي كان كيميزو لسنين.

حسب صحيفة “يبج 6″، هاد الزوجين كلاو العشا فمطعم “راول”، اللي هو واحد المكان المفضل عند المشاهير، وكانو مع محاميهما وصديقهما كيفن جونسون.

أمل، اللي عندها 47 عام، كانت لابسة جاكيت مزخرف قصير ونظارات شمسية كبار، بينما جورج كان لابس جاكيت جلد كحل وسروال بيج.

كيبان أن الممثل الأمريكي قرر يتخلى على شعره الفضي ويخليه بني باش يكون مستعد يدير دور الصحفي الأسطوري “إدوارد آر. مورو” فعرض “Good Night, And Good Luck”  فبرودواي، اللي هو مقتبس من فيلم بنفس الاسم من 2005.