كود -وكالات//

دارت خطيبة النجم البرتغالي كريستيانو رونالدو، الأرجنتينية جورجينا رودريغيز طلّة رهبانية فحفل ميت غالا لعام 2026، اللي تدار فمتحف المتروبوليتان للفنون، اللوك ديالها كان فيه طابع ديني وروحاني، وخلط بين الفاشن الراقية ورسالة شخصية.

جورجينا شاركات التفاصيل ديال هاد الحضور  فصفحتها على إنستغرام، وقالت باللي التصميم جاي من تعلقها  بفاطمة العدرا فالبرتغال، حتى الألوان، خاصة الأزرق الفاتح، جاو باش يعبرّو على النعومة ديال جورجينيا وتاروحانيت ديالها.

اللبسة كانت من توقيع المصمم الفرنسي لودوفيك دي سان سيرنان، وتخدم بطريقة دقيقة، مخدوم باليد ومتناغم مع اللون العام.

أما الحاجة اللي دارت الانتباه بزاف هي التسبيح اللي كانت شادة فيديها ، ولي مصنوعة  من الذهب الأبيض ومزيّن بالماس واللؤلؤ، ومكتوب فيها أسماء العائلة ديالها.