كود سبور//

حقق منتخب جورجيا تأهل تاريخي إلى ثمن نهائي كاس أوروبا “ألمانيا2024”، بعدما ربحو البرتغال فالجولة الثالثة والأخيرة من دور المجموعات.

ونجح منتخب جورجيا وربح منتخب البرتغال بالنجوم ديالو وعلى راسهم كريستيانو رونالدو، وبنتيجة 2 لزيرو فماتش تحكمو فيه الجورجيين مزيان وقدرو يساليوه باول رباح لهم فتاريخهم فكاس اوروبا.

وبهذه النتيجة تأهل منتخب جورجيا إلى ثمن نهائي كاس اوروبا كثالث الگروب الرابع، برصيد 4 النقاط، ورا كل من البرتغال المتصدرة برصيد 6 نقاط، وتركيا الثانية بـ6 نقاط، اما التشيك اللي خسرت اليوم مع الأتراك بنتيجة 2 لواحد ودعت البطولة برصيد نقطة واحدة.

وسالات دابا مرحلة المجموعات فكاس أوروبا، وغايبدا ثمن النهائي، وفيها ماتشات واعرين وغايلعب منتخب الطاليان مع السويسرا ومنتخب ألمانيا مع الدنمارك السبت الجاي، والاحد الجاي لاعبين النگلزا مع سلوفاكيا، واسبانيا مع جورجيا.

والاثنين الجاي لاعبين فرنسا ضد بلجيكا، والبرتغال ضد سلوفينيا، والثلاثاء الجاي لاعبين هولندا ضد رومانيا، والنمسا ضد تركيا.