وكالات//

علنات الهيئة العامة ديال الترفيه في السعودية أنها باعت “تذكرة فوق الخيال” بثمن فات جوج ديال المليون دولار.

وقالت الهيئة أن هادا لي شراها غادي يحضر لماتش أميكال بين النصر السعودي وباريس سان جرمان، وهاد الحضور غادي يكون فيه مميزات.

وعلن تركي آل الشيخ، للي هو رئيس الهيئة العامة ديال الترفيه في السعودية، أنه دار مزاد لتيكي “فوق الخيال”، وللي تباع لرجل الأعمال العقاري السعودي مشرف الغامدي للي غادي يحضر للماتش في تيران الملك فهد الدولي في الرياض.

وقال تركي آل الشيخ في حسابو على موقع “تويتر” أن ريع التذكرة كولو غادي يتعطى لمنصة إحسان الخيرية.