الرئيسية > آش واقع > جوج فرمليات تقاسو بكورونا فسبيطار الرازي ونقابيون عتابرو الادارة هي السباب
21/07/2020 11:20 آش واقع

جوج فرمليات تقاسو بكورونا فسبيطار الرازي ونقابيون عتابرو الادارة هي السباب

جوج فرمليات تقاسو بكورونا فسبيطار الرازي ونقابيون عتابرو الادارة هي السباب

عفراء علوي محمدي- كود//

اتهم المكتب النقابي للمركز الاستشفائي الجامعي فمراكش، مدير هذ المركز بالتقاعس ففرض الإجراءات الاحترازية فجميع مصالح المركز، بما فيها المستعجلات، وعدم توفير الحماية للأطر الصحية من خطر انتقال عدوى فيروس كورونا المستجد.

وقال المكتب النقابي، اللي كينتمي للاتحاد المغربي للشغل، أن السبيطار كيعيش واحد الحالة ديال “التسيب والفوضى”، والإدارة مامحتارماش الدورية الأخيرة دوزارة الصحة، والمساطر اللازم اتباعها عند إصابة أو الشك فإصابة الأطر الصحية بالفيروس.

وقالت النقابة، فبلاغ ليها توصلات بيه “كود”، أن جوج فرمليات تصابو بالفيروس فأقل من 48 ساعة، وهذشي “لأن الإدارة ماموفراش أبسط سبل الحماية من الفيروس للأطر الصحية”، حسبها.

وتشكاو النقابيون، فالبلاغ نفسو، الضغط اللي عليهم فالخدمة، بعد أشهر من العمل ديالها فمصالح “كوفيد 19″، كيف استنكرو الفراغ اللي كتعرف مجموعة من المصالح الأخرى والسبيطارات التابعة للمركز.

“كود” حاولات تتصل بمدير السبيطار، لحسن بوخاني، واستفسراتو على الموضوع ف”إس إم إس”، لكن تيليفونو صونا بدون جواب، وماتلقينا حتى رد.

موضوعات أخرى

04/08/2020 22:30

حصيلة كورونا فالأقاليم والجهات: جهة كازا تصابو فيها 422 وجهة الشمال ماتو فيها 5.. وأغلب المديريات الجهوية ماعلناتش على التفاصيل