وكالات //

جوج ديال المسلحين قتلو ملكة جمال السابقة ديال دولة الإكوادور، بعدما ضربوها ببزاف ديال القرطاسات وهي كاينة فوسط واحد الريسطو.

وبارطاجاو بزاف ديال الإكوادوريين فيديوهات مصورة بكاميرا المراقبة ديال المطعم، كتبين اللحظة لي دخلو فيها جوج ديال الرجال مسلحين، وضربو ملكة الجمال “لاندي باراجا جويبورو” لي كانت هي وصاحبها.

وكتبين اللقطات أن الرصاص دخل في الجسد ديالها أكثر من مرة، ومن بعد تداولو الناس تصاورها وهي غارقة في الدم، بينما مازال ما معروفش المصير ديال صاحبها لي كان معاها واش ميت ولا حي.

البوليس ديال الإكوادور دارو بيان، وقالو أنهم غادي يحلو أنوكيط في الجريمة لي هزات البلاد.