الرئيسية > featured > جوابا على الدوزي لي كايتسائل علاش المؤثرات كايطلّقو فحالا الطلاق خايب؟! راه أحسن حاجة يمكن توقع لجوج مامفاهمينش هي يطلّقو يكون مؤثر ولا ماشي مؤثر! يصحابك غير أجي وطلّق! والله وماكانو عندك الأواني النحاسية و الشجاعة لا طلّقتي! واجي نتا بعدا، ماقلتيش لينا علاش باقي ماتزوّجتي واخا فيك هاد الفهامات كاملة؟
20/02/2024 20:00 featured

جوابا على الدوزي لي كايتسائل علاش المؤثرات كايطلّقو فحالا الطلاق خايب؟! راه أحسن حاجة يمكن توقع لجوج مامفاهمينش هي يطلّقو يكون مؤثر ولا ماشي مؤثر! يصحابك غير أجي وطلّق! والله وماكانو عندك الأواني النحاسية و الشجاعة لا طلّقتي! واجي نتا بعدا، ماقلتيش لينا علاش باقي ماتزوّجتي واخا فيك هاد الفهامات كاملة؟

جوابا على الدوزي لي كايتسائل علاش المؤثرات كايطلّقو فحالا الطلاق خايب؟! راه أحسن حاجة يمكن توقع لجوج مامفاهمينش هي يطلّقو يكون مؤثر ولا ماشي مؤثر! يصحابك غير أجي وطلّق! والله وماكانو عندك الأواني النحاسية و الشجاعة لا طلّقتي! واجي نتا بعدا، ماقلتيش لينا علاش باقي ماتزوّجتي واخا فيك هاد الفهامات كاملة؟

سهام البارودي ـ كود//

الدوزي حتى هوا بغا يسطل بسطله فهاد الموضوع ديال المؤثرات لي اختصاصيات فالحياة الزوجية وكايساليو حياتهم الزوجية بالطلاق! ولكن بغا يسطل بسطله بواحد السؤال عبيط “علاش هاد المؤثرات لي كايضلو يهضرو على الزواج والراجل وكايوريو البنات كيفاش يتعاملو كايساليو العلاقة ديالهم بالطلاق؟”.

سؤال عبيط حيت ماكاينة حتى شي علاقة بين أنك تكون كاتفهم الحياة الزوجية وكاتبارطاجي الأفكار ديالك عليها وأنك تطلق! دوك المؤثرات كايوريو للمغربيات كيفاش يتعاملو مع الأزواج ديالهم ومع بعض المواقف لي كاتعرض ليها المراة مع عائلة الراجل (العگوزة واللوسة…) ولكن حتى حاجة من هادشي ماكاتنفي احتمالية الطلاق! الدوزي من داك النوع لي كايصحابو النجاح هو أنك تبقى فشي علاقة تاتموتو بجوج بيكم! إيوا لا! ماشي هذا هوا النجاح! النجاح هوا أنك تبقى فشي علاقة مادمتو بجوجكم مرتاحين فيها! اين فوا كاتغيب الراحة وكاتولي العلاقة سامّة خاص الناس يحبسو! ويكون عندهم الشجاعة باش ينهيو العلاقة !

الدوزي فحال بزاف ديال المغاربة الحنان كايتعاملو مع العلاقات بواحد السطحية وواحد السذاجة ليس لها مثيل، بالنسبة ليهم الزواج راه هوا ديك الصورة النمطية ديال العائلة لي كاتلقاها فالقراءة ديال التحضيري الأب لابس قاميجة والأم لابسة جلابة ومصورين معاهم ولدهم كريم وبنتهم مريم دايرة گرينات! حيت فالواقع كاينين بزاف د الأسر ماكايشبهوش لأسرة كريم ومريم! كاينة الأسرة ديال فتيحة روتيني اليومي كاينة الأسرة ديال نعيمة الجوك كاينة الأسرة ديال ولد الگرية وديال ندى حاسي وديال حمادة الخضار والبرلماني والأسرة لي الأب فيها سكايري والأسر لي الأم عازبة والأسر لي غارقين فزنى المحارم والأسر لي العگوزة محررة العيشة فالعروسة والأسر لي كايسلخو مرت ولدهم …

المغرب فيه جميع أشكال وأنواع الأسر لي كاتخايلها والأغلبية الساحقة فيهم غارقة مشاكل! وبزاف بزاف بزاف ديال العيالات لي جالسين مع رجالهم راه جالسين غي حيت ماعندهم بديل، كايطفى الحب وكايطفى معاه الشغف وكايطير الاحترام مورا المضاربة الأولى والثانية والثالتة وواحد النهار كايلقاو راسهم جامعهم غي الكريدي ديال الدار والطريطا ديال الطوموبيل! هي ماقاداش تمشي حيت ماعندهاش باش تخلص فلوس المدرسة لولادها! وهوا ماقادش يمشي حيت مايقدرش يخلص طريطة الدار بوحدو !

كايبقاو وسط الألم والمعاناة والصراعات والسم والعنف ….

وفاش كايشوفهم سي الدوزي عندهم خمسين عام وجارين شي شاريو فمرجان وكايتقداو للرمضان كايقوليك “تبارك الله على كوبل باينين مفاهمين” هوما عاد تشادو فالدار وتعايرو بالجد والطاسيلة.

الطلاق راه شجاعة وذكاء وخطوة صحية واحسن حاجة يمكن يديرها أي واحد مامرتاحش فحياتو وعايش معذب! الطلاق راه علامة على أنه الناس وعات بأنها كاتستاحق الحب والسعادة والراحة! علامة على أن بنادم ولا كايبغي راسو وكايحتارم راسو وفاش كاتكون كاتبغي راسك وكاتحتارم راسك كاتكون قادر تعطي الحب والاحترام والقيم الجميلة لولادك وللمجتمع ديالك! ماشي فحال وحدة عايشة مع راجل ماحاملاهش ماكاين بو حب وبو احترام، كاتساين غي الولاد يكبرو فحالا مشدودة فالحبس كاتساين لاكلاص… آشمن حب غاتعطي لولادها؟! البعابع !

طلقو آ خوتي !

طلقو آ خواتاتي !

طلقو وارتاحو وربحو صحتكم النفسية والجسدية! بقاو مقابلين الدوزي وفحال الدوزي هوا براسو مامجوجش وكايفهم على عباد الله!

موضوعات أخرى