عمر المزين – كود///
قال سعيد جميل أستاذ التعليم العالي بالمحمدية، إنه “كنحسو فبزاف ديال اللحظات بحال إلى مازلنا كنمشيوا فطريق من سنوات الثمانينات والتسعينات، بينما العالم تبدل والوقت تبدل، وخصوصاً فالمجال ديال التعليم”.
وأضاف، في تصريحات لـ”كود”، قائلاً: “اليوم كنعيشو مع جيل جديد: جيل الألفا. جيل مختلف، ماشي بحال اللي قبل. كيحتاج لبساطة، لوضوح، ولطرق حديثة باش يفهم وينجح”.
الأستاذ جميل تساءل، في ذات التصريح، لـ”كود” بالقول: “وهنا خاصنا نسولو راسنا واش باقي عندو المعنى نديرو امتحانات فالمستوى الابتدائي؟، وواش المواد اللي كنقريوهم مازال مناسبين لهاد الجيل؟ وواش خاصنا نبدلو؟ ولا حتى نحيدو بعض المواد؟ ولا نسهلوا كلشي؟”.
كما يرى المتحدث أنه “كاينين مؤسسات دولية تقدر تدير تقييمات بلا ما تدير هاد الضغط كامل على ولادنا”، متسائل فهاد السياق: “واش هاد المواد ما ولاتش عبء على الدولة، وعلى الاقتصاد المغربي؟”.
وتابع قائلاً: “علاش نبقاو نزيدو فشي حاجة اللي يمكن ما بقاتش نافعة، لا للتلميذ، لا للمجتمع؟ الوقت حان باش نفتحو النقاش، ونفكرو، ونتقدمو برؤية جديدة وكبيرة. الجيل تبدل… وخصنا نتبدلو معاه”.