وكالات//

فواحد اللحظة عاطفية نادرة، تحوّلات النجمة العالمية Lady Gaga من فنانة كتغني فوق الخشبة لمتفرجة مذهولة، من بعد ما قرر الجمهور ديالها فمدينة بوسطن يوقف الحفل ديالها باش يحتافلو بعيد ميلادها الأربعين.

خلال الحفل فقاعة TD Garden، كانت كَاكَا كتغني أغنية “داي ويذ أ سمايل” على البيانو، وفجأة رفعو الآلاف من المعجبين لافتات مكتوب فيها: “عام آخر، سعيدة غير حيت مازال حية”، وهي كلمات من أغنيتها “فانيش إنتو يو‘‘.

كَاكَا تأثرت بزاف، ووقفات الغناء، ومن بعد تفاجأت بكورال جماعي كيغني “عيد ميلاد سعيد”، فمشهد هز القاعة كاملة.

وما وقفاتش المفاجأة هنا، حيث واحد من المعجبين قدر يوصل حتى كعكة عيد الميلاد للخشبة بمساعدة الأمن.