كود سبور//

غايكون جمهور اتحاد طنجة حاضر فماتش الفريق مع المضيف ديالو الرجاء الرياضي، غدا الخميس فتيران العربي الزاولي ضمن مؤجل الدورة 19 من البطولة الاحترافية.

وحسب إدارة اتحاد طنجة فقد خصصت إدارة فريق الرجاء الرياضي 550 تذكرة من فئة 60 درهم، لجماهير اتحاد طنجة لحضور الماتش اللي غايبدا بين الفريقين غدا الخميس مع 6 العشية.

وغايتحطو تذاكر الجمهور الطنجاوي للبيع اليوم مع 6 العشية بعدد من نقاط البيع بمدينة طنجة من بينهم السطور ديال اتحاد طنجة.