كود سبور//

انتقد جمهور الوداد الرياضي الظروف اللي كاتلعب فيها البطولة الاحترافية لكرة القدم، منذ الموسم الماضي سوا بخصوص التيرانات اللي مسدودين أو إجراء الماتشات بلا جمهور والتحكيم.

واستغل جمهور الوداد الرياضي ماتش الفريق ضد المغرب الفاسي اللي بادي فهاد اللحظات من مساء اليوم السبت فتيران العربي الزاولي، ورفعو ميساجات انتقدو فيها جميع الفاعلين على تنظيم مباريات البطولة الاحترافية.

وقالت جماهير الوداد الرياضي فالميساجات ديالها: “بطولة سبق الميم.. المسؤول الأمني: ما فياش، الحكم ما شفتش، العصبة ما تهضرش، الـVAR:  ما خدامش، التيرانات: ما كينينش، الجامعة: ما مسوقاش”.