الرئيسية > كود سبور > جمهور المغرب الفاسي: الڤار تحول لعار والماص ما عندو شكون يدافع عليه والجامعي غرق الفريق فالنزاعات
23/01/2023 12:40 كود سبور

جمهور المغرب الفاسي: الڤار تحول لعار والماص ما عندو شكون يدافع عليه والجامعي غرق الفريق فالنزاعات

جمهور المغرب الفاسي: الڤار تحول لعار والماص ما عندو شكون يدافع عليه والجامعي غرق الفريق فالنزاعات

كود سبور//

عبر جمهور المغرب الفاسي على الغضب ديالو بسبب التحكيم فماتش فريقو وحسنية أكادير واللي سالا تعادل بين الفريقين الويكاند اللي فات واحد لواحد، فالجولة 14 من الدوري الاحترافي المغربي، وأيضا غاضبين المصاويين من طريقة تسيير النادي.

وقال فصيل “فطال تيكرز” المساند للمغرب الفاسي: “ماتش الماص وحسنية أݣادير كانت الفرصة مواتية للفريق لحصد نقاط المقابلة إلا أن الحكم كان عندو رأي أخر وحرم الفريق من فوز مستحق بإعلانو ضربة جزاء خيالية لم يراها إلا هو وللأسف يقع هذا في زمن الڤار الذي تحول لعار يكسر مجهود فريق وجمهور بقرارات عبيطة مؤثرة”.

وزاد الفصيل المصاوي وقال: “هذا المسلسل الهزلي اللي كيتعرض له الماص من مجازر تحكيمية كل أسبوع هو عرقلة وفرملة لمسار النادي اللي كان كيسير بخطى ثابتة نحو المقدمة، ومثل هؤلاء الحكام يجب على اللجنة المركزية أن تعيد النظر فيهم وتوقع الجزاءات عليهم حينما يخطؤون”.

وكمل “فطال تيكرز”: “الفريق رغم كل هذه المهازل التي يتعرض لها ولا من يخرج للعلن ويدافع عن حق الماص، للأسف ابتلينا بمكتب شبح ورئيس غير قادر على الدفاع الشرعي عن حقوق الماص التي تهضم مرارا وتكرارا و لا من يحرك ساكنا ولو ببلاغ تنديدي”.

وبخوص الميساج اللي رفع “فطال تيكرز” فالماتش فشرح المعنى ديالها وقال: “على مستوى المدرجات المجموعة جاء فيه: (فالنزاعات نتا غرقتيها… فكها يالي وحلتيها) وهي رسالة مباشرة لرئيس النادي الذي تفنن في إغراق الماص بكثرة الملفات لدى لجنة النزاعات وبات بسببه الماص حسب القوانين الجديدة للجامعة محروم من إجراء انتدابات شتوية تعزز مراكز الخصاص إلى ريثما يتم تسوية تلك الملفات التي لا زالت عالقة بسبب السياسة غير الرشيدة و غيرالمعقلنة لرئيس النادي في انتداب أسماء بمبالغ خيالية لم تقدم أي إضافة للنادي بل غادرت بشكل مستفز وتركت النادي يعوم في نزاعات كان في غنى عنها لو تم تدبير هذه الملفات بشكل دقيق وحكيم، وكذا بسبب التماطل في أداء مستحقات بعض اللاعبين، وبالتالي خلق مزيد من الملفات لدى لجنة النزاعات، هذه الإشكالية العويصة على الرئيس الإسراع في إيجاد حل لها بشكل مستعجل”.

موضوعات أخرى

05/02/2023 10:00

الحركة الشعبية بغات دير المعارضة بهادو.. صحاب الشكارة فرضو على أوزين ولادهم والمتابعين فالمحاكم بتهم تبدير المال العمومي والاختلالات وموظفين أشباح فالبرلمان يكونو فالمكتب السياسي

05/02/2023 09:00

واش دولة المغرب تقدر على دولة آل الرشيد. جهة لعيون خسرات 17 مليار فلخوا خاوي: 5 مليون درهم گاليك لشراء الهدايا و20 مليون درهم لمهرجانات ما تنظماتش

05/02/2023 08:00

واخا تقصات من ربع نهائي كأس العالم للأندية.. الوداد ما خرجاتش 0 درهم وربحات مبلغ مهم

05/02/2023 07:40

شوهة شنقريحة وتبون.. وخا الكابرانات حرمو المنتخب المغربي من الدفاع على لقبو فالشان الجزائر فشل باش يتتوج بالكأس فبلادو

05/02/2023 07:00

بوليس بني ملال شدو أخطر نصاب وسمسار ديال السبيطارات كان كايشفر حتى التيليفونات للمرضى وعائلاتهم