گود سبور//
ممنوع على جمهور المغرب الفاسي، يحضرو ماتش الفريق ضد حسنية أكادير الويكاند الجاي، واللي غادي يتلعب فتيران البشير فالمحمدية ضمن الدورة الثانية من البطولة الاحترافية.
وحسب بلاغ ادارة حسنية اكادير فالتذاكر الماتش اللي غادي يدخلو فيه المغرب الفاسي فالمحمدية، غادي تكون مخصصة غير لجمهور الفريق السوسي، والمباراة ملعوبة بلا حضور جمهور الماص (الفريق الزائر)، تفعيلا لقرار المنع الصادر عن العصبة الوطنية لكرة القدم الاحترافية.
للإشارة فحسنية اكادير غادي يدخلو الماتش ضد المغرب الفاسي فتيران البشير فالمحمدية، حيث تيران اكادير الكبير مسدود وفيه الأشغال.
