گود سبور//
يواصل الرأي العام المغربي التضامن ديالو مع قضية عبد اللطيف أخريف لاعب اتحاد طنجة، اللي مازال السلطات الجزائرية رافضة أنها تسلم الجثة ديالو للمغرب، باش عائلتو تقدر تدفنو.
جمهور المغرب الفاسي بحالو بحال باقي جماهير الأندية المغربية، عبر على استنكار استغلال السلطات الجزائرية لقضية عبد اللطيف أخريف سياسيا، وعبرت على تضامنها مع عائلتو باش يدفنوه، ووجهت ميساج للجزائر خلال ماتش الفريق ضد شباب السوالم اللي بادي اليوم الاحد فتيران برشيد ضمن منافسات البطولة، وقالت: “دعوا الحسابات السياسية فأخريف قضية إنسانية”.
ومازال السلطات الجزائرية ما بغاتش تسلم جثة عبد اللطيف اخريف للمغرب، بعدما تم العثور عليها قبل أشهر بالمياه الجزائرية حيث جرها البحر لعندهم، بعدما غرق اللاعب نواحي مدينة تطوان ملي كان مبحر هو شي لاعبين صحابو من اتحاد طنجة.