كود سبور//

اعرف ماتش الدفاع الحسني الجديدي ضد حسنية أكادير، اللي تلعب البارح السبت فتيران العبدي فالجديدة برسم الدورة 9 من البطولة الاحترافية، توقف بسبب الكراكاج ولكن هذا التوقف ما كانش عادي.

وملي وصلت الدقيقة 83 من الماتش ديال الدفاع الحسني الجديدي وحسنية أكادير، توقف الماتش بين الفريقين بسبب دخان الكراكاج اللي شعلاتو جماهير الفريق الجديدي، وهو الدخان اللي حجب الرؤية فالتيران، وفالوقت اللي الحكم موقف الماتش والكراكاج فالتيران، بدات واحد الفئة من الجمهور “كاتغوت” بسمية اليوتيوبر “إلياس المالكي” المتابع فحالة اعتقال، وكاتقول: “إلياس الملكي لاليبرتي”، لدرجة أن صوتها تسمع فالتلفزة حيث قناة الرياضية كانت ناقلة الماتش.

للإشارة فاليوتوبر إلياس المالكي متابع فحالة اعتقال بالتحريض على الكراهية، والتمييز، وبث وتوزيع صور وأقوال بقصد المساس بالحياة الخاصة للأشخاص والتشهير بهم.