كود سبور- القاهرة//

خالقين جماهير الزمالك المصري أجواء رهيبة فتيران القاهرة الدولي فمصر فالفينال ضد نهضة بركان، وكيحاولو يضغطو على الفريق المغربي.

وجات كثر من 70 ألف من جمهور الزمالك لتيران القاهرة الدولي، باش تشجع نهضة بركان، وكيحاولو يضغطو على الفريق البركاني بالسبان والمعيار والغوات والتسفار، فمحاولة منهم باش يشحنو اللاعبين ديالهم ويضغطو على لاعبين النهضة.

وبالمقابل فلاعبين نهضة بركان طلعو للتيران يديرو التسخينات، ومركزين غير على الماتش، وموتيفين ومحمسين، وحاضرين شي مشجعين للفريق البرتقالي كيشجعوهم ويساندوهم واخا قلال بزاف مقارنة مع الجماهير المصرية اللي معمرة التيران.