كود سبور//

قررت إدارة الرجاء الرياضي تصحح واحد الغلط وقعت فيه مع جمهور الفريق فالماتش اللي فات ضد حسنية أكادير فالبطولة الاحترافية، واللي كان من أسباب مقاطعة الجماهير لهذاك اللقاء وعندو علاقة بطريقة الدخول للتيران.

واتخذت إدارة الرجاء الرياضي قرارها بالسماح للجماهير اللي عندهم بطاقة الاشتراك السنوي بالدخول مباشرة لتيران مركب محمد الخامس الخميس الجاي فالماتش ضد الدفاع الحسني الجديدي برسم الدورة 29 من البطولة الاحترافية، فبلاصة ما يمشيو ياخدو تذاكر ببطائق الاشتراك من تيران الوزير عاد يمشيو يدخلو بالتذاكر لستاد دونور.

وكان جمهور الرجاء الرياضي عبر على الغضب ديالو من خطوة إدارة الرجاء الرياضي فالماتش اللي فات ضد حسنية أكادير بسبب طريقة دخول التيران، واعتبرت أن ما فيهاش احترام للمشجع اللي دار بطاقة الاشتراك السنوي باش يتهنا من “سير جيب تيكي” وكانت قاطعت هذاك الماتش.