كود سبور//

غيكون جمهور الرجاء الرياضي ممنوع مرة اخرى من ديبلاصمون مع الفريق ديالو، وما غيمشيش معه للرباط غدا السبت فالماتش ضد اتحاد التوارگة فتيران مولاي الحسن برسم الدورة 19 من البطولة الاحترافية.

وحسب مصادر “گود”، قررت السلطات منع جماهير الرجاء الرياضي انها تنتقل من مدينة الدار البيضاء لمدينة الرباط، باش يحضروا فماتش التواركة، وهذا الشي تفاديا لشي مشاكل تنظيمية ولا حوادث ما بين جمهور الرجاء ومشجعين الجيش الملكي اللي كاينين ما بين تمارة والرباط.

وماشي هادي هي اول مرة كيتمنع فيها جمهور الرجاء الرياضي من حضور ماتشات الفريق، حيث كان كيتمنع من الحضور حتى فالماتشات اللي كيدخلوهم الرجاء فتيران برشيد، قبل ما يرجعو الماتش الماضي ضد المغرب الفاسي، مع العلم ان الأخير كان ممنوع الجمهور ديال من الحضور بقرار من السلطات.