الرئيسية > كود سبور > جمهور الدفاع الجديدي ضاربو بيناتهم والبوليس شد منهم 7.. والجيش خسر الماتش واحتج على الحكم
02/10/2019 21:00 كود سبور

جمهور الدفاع الجديدي ضاربو بيناتهم والبوليس شد منهم 7.. والجيش خسر الماتش واحتج على الحكم

جمهور الدفاع الجديدي ضاربو بيناتهم والبوليس شد منهم 7.. والجيش خسر الماتش واحتج على الحكم

كود سبور//

جمهور الدفاع الحسني الجديدي دار فوضى فملعب البلدي بالقنيطرة، واخا العدد ديالو قليل مقارنة مع جمهور الجيش الملكي، لي حضر بكثرة باش يشجع الفريق ديالو فهاد الماتش، برسم ثمن نهائي كأس العرش.

جوج ديال الفصائل ديال الدفاع الجديدي خلقوا بلبلة بالمدرجات بعدما ناض الصداع بعيضاتهم وتبادلوا الرشق بالحجارة، الشيء لي خلا البوليس يدخل بقوة بحضور البريفي ديال القنيطرة، وشد منهم سبعة داهم لمركز البوليس باش يبقاو تحت الحراسة النظرية.

أما جمهور الجيش الملكي مادارش الفوضى باستثناء مشجع دخل التيران وهرب للمدرجات.
واخا الجيش الملكي تقصا من كأس العرش، إلا أن الجمهور غادر الملعب بهدوء لكن تحت حراسة أمنية جد مشددة.

بعد الفوز الواضح على الوداد البيضاوي في سدس عشر نهائي كأس العرش، توقفت رحلة الجيش الملكي فالثمن، بعد الخسارة أمام الجديدة بواحد لزيرو، ماركاه اللاعب التنزاني سايمون مسوفا فالدقيقة 13.

الجيش الملكي كان أداءه ضعيفا في الميطا الاولى لكن تحسن شي شوية فالميطا الثانية وخلق فرص وما ماركاش.

مسؤولين ديال الجيش ما تصرطاتلهومش هاد الخسارة وحملو المسؤولية للحكم كريم صبري لما صفرش على بيلانتي فالشوط الباني، بعدما ضربت المرة يد أحد مدافع الدفاع الحسني الجديدي.

موضوعات أخرى

11/12/2019 10:30

بايتة مقربلة فكازا. حملة بـ “ساروت 10” بدل الطراكسات لتحرير الملك العمومي من مستغليه بطريقة غير قانونية بعد أسبوع ركب الرعب فصحاب القهاوي والمطاعم

11/12/2019 09:57

اللي كيسب رئيس الدولة بحقارة كبيرة خاصو التربية. الحكومة والاحزاب والنقابات اللي ديما كيرددو الملك ضمانة للاستقرار كلهم كيتفرجو وباش هضر اخنوش كينهشو فيه وكلشي باقي ساكت