كود سبور//
غايكون جمهور حسنية اكادير حاضر فماتش الفريق ضد الرجاء الرياضي، غدا الاربعاء فتيران مركب محمد الخامس بالدار البيضاء، برسم الدورة 27 من البطولة الاحترافية لكرة القدم.
وحسب ادارة حسنية أكادير، فجمهور الفريق السوسي مسموح له يكون حاضر فالماتش اللي غايكون فيه ضيف على الرجاء الرياضي فستاد دونور غدا الاربعاء مع 8 الليل، وتحطو التذاكر الخاصة به باش يشريهم من المنصة الالكترونية المخصصة له.
ومحتاجين حسنية اكادير لدعم جمهورهم بزاف، حيث الفريق لاعب باش يضمن البقاء ديالو فالقسم الاول من البطولة الاحترافية، ويهرب من المراكز اللي كاتلعب باراج الطيوح للقسم الثاني.
