الرئيسية > تبركيك > جمهور البرطقيز: برافو عليكم تستاهلو اكثر وكنتو حسن منا والصحافة الروسية صفقات للاسود
21/06/2018 16:00 تبركيك

جمهور البرطقيز: برافو عليكم تستاهلو اكثر وكنتو حسن منا والصحافة الروسية صفقات للاسود

جمهور البرطقيز: برافو عليكم تستاهلو اكثر وكنتو حسن منا والصحافة الروسية صفقات للاسود

كود موسكو ///

هادوك 50 الف مغربي من داخل الوطن وخارجو اللي حضرو لماتش البارح فملعب لوجنيكي بموسكو بين الاسود والمنتخب البرتغالي عن المباراة الثانية عن المجموعة الثانية في مونديال روسيا٬ غادي يكون اغلبيهم صادف برتغاليين بعد ما سالى الماتش.
برتغاليون جاو يحضرو فرحو بالرباح ولكن عجبهم المنتخب المغربي. عجبتهم بزاف بزاف. احدهم قال ل”كود” هاد الصباح باللي المنتخب يستاحق نتيجة احسن. يستاحق حقاش كان احسن منا بزاف”. طبعا هاد السيد مفتاخر باله الكورة فبلادو رونالدو ولكن عارف باللي الاسود يستاحقو على الاقل تعادل فماتش ضربو فيه البرتغال جوج كورات للشبكة وحدة دخلات وضرب المغرب اكثر من 5 بالاضافة الى كرات اخرى خارج الشبكة وحتى وحدة ما دخلت.

منتخب تحكم فالكورة فالاستحواد عليها فكلشي يضيف البرتغالي ل”كود” واللي كان ناقص هو اللي يخشي فالشبكة.

البرتغاليون اللي حضرو البارح تصورو معاهم لمغاربة فرحو معاهم واخا بعد الخروج من المونديال. المغرب كلشي هدر عليه مزيان. الروس اللي حضرو للمغرب ولا شافو الماتش فين ما يتلاقاو بالمغاربة يقولو ليه كنتو مزيانين. لعبتو وما ربحتوش. حتى الصحافة الروسية اشادت بهاد الانجاز. تحدثات عليه واثنت على الاسود

المغرب خرج راسو مرفوع بعد مواجهة بطل اوروبا في ثاني مباراة من المونديال.

موضوعات أخرى

21/01/2019 07:50

بفضل الرجا والوداد. ورا البطولة ديالنا واعرة فالعالم. الفيفا دارتها 27 سابقة كاع الافارقة والعرب و”لاليگا” شادة الصدارة