كود ـ القاهرة//

تعرضت بعثة الوداد الرياضي للاعتداء من طرف شي مشجعين ديال الأهلي المصري ملي سالا الماتش بين الفريقين اليوم الأحد باستاد القاهرة الدولي.

جماهير الأهلي المصري لم تتقبل الهدف اللي ماركاه الوداد بواسطة سفيان بوهرة فالدقيقة 86، وقلص به الفارق إلى 2 لواحد، وفبلاصة ما توجه الغضب ديالها للاعبين د الأهلي بدأت كتشير على لاعبين الوداد والطاقم التقني والاداريين د النادي المغربي بقراعي الما قدام مسؤولين الكاف اللي كانوا كيتفرجو فهادشي.

هذا الاعتداء غيخلي مرة أخرى متتبعين الكرة الإفريقية على شنو الإجراءات اللي اتخذها الاتحاد الإفريقي لكرة القدم والعقوبات اللي ممكن يصدرها على الفريق المصري، والموعد اللي غيخرج فيه هذه العقوبات خصوصا وأن روتور الفينال ما بقاش له وقت طويل وغيتلعب بكازا يوم 11 يونيو.