كود سبور//

غايكون مسموح لجمهور أولمبيك آسفي حضور ماتش الفريق ضد شباب السوالم، اللي غايدخلوا الأخير فتيران الفوسفاط بمدينة خريبكة السبت الجاي ضمن ثمن نهائي كاس العرش.

وحسب إدارة أولمبيك اسفي فالماتش ديالهم ضد شباب السوالم فخريبكة غايكون بحضور الجماهير المسفيوية، السبت 5 أبريل مع 3 العصر فتيران الفوسفاط فخريبگة.

وتقرر إجراء الماتش بين السوالم وأولمبيك آسفي فخريبگة، حيث التيران ديال برشيد اللي كايدخلو السوالم الماتشات ديالهم ملعوبين فيه ماتش كاس إفريقيا لأقل من 17 عام.