الرئيسية > آش واقع > جمعيات راسلو عامل مديونة بسباب مشاكل فقسم الإنعاش فالسبيطار الإقليمي
25/06/2021 10:20 آش واقع

جمعيات راسلو عامل مديونة بسباب مشاكل فقسم الإنعاش فالسبيطار الإقليمي

جمعيات راسلو عامل مديونة بسباب مشاكل فقسم الإنعاش فالسبيطار الإقليمي

عفراء علوي محمدي- كود//

سافطو جمعيات المجتمع المدني فمديونة، طلب لعامل عمالة الإقليم، باش يتدخل لحل ما وصفوه ب”المشكل” و”الوضع المزري” اللي كيعرفو حسبهم قسم المستعجلات فالسبيطار الإقليمي فمديونة.

وزادو الجمعيات، فرسالتهم اللي حصلات عليها “كود”، أنه كيتم التعامل بشكل “غير لائق” مع المرضى اللي كيعانيو الإهمال، والسيكيريتي كيتصرف بطريقة “مستفزة”، وكاينة واحد الطبيبة ماكتقدمش الإسعافات الأولية، وكتخليهم فحالة حرجة، وكتوجههم باش يمشيو لسبيطارات كازا باش تتهنا منهم، وكتدعي أن السبيطار ماكيتوفرش على التجهيزات والإمكانات الضرورية.

وعلى هذشي طالبو الجمعيات من العامل يوقف على حقيقة هذشي من خلال مراسلة المندوبة الإقليمية للصحة، ويحاسب اللي “كيستهتر بصحة المواطن المغربي”، واقترحو عليه يدير جولة تفقدية ليلية باش يوقف على مكمن الخلل وترجع الأمور كيف كانت. لحالتها الطبيعية باش ينعم المواطن بحقو فالتطبيب والولوج للخدمات الصحية كيف كينص على هذشي الدستور.

موضوعات أخرى

27/07/2021 21:30

شيافر الطاكسيات فمكناس كاعيين بسباب قرار جوج بلايص.. وشيفور لـ”كود”: مكرفصين ومتضررين ماديا ومول الطاكسي مايعقلش عليك وغيبغي روسيطتو كاملة