گود سبور//

واخا خسر البوكسور المغربي جمال بنصديق مع الهولندي ليفاري ريخترز البارح السبت بالضربة القاضية فالجولة الثالثة ضمن منافسات الگلوري، قرر ينقز هاد الخسارة ويبدا يوجد لكومبا جديدة.

وبعد ساعات من الخسارة ديالو، خرج جمال بنصديق صباح اليوم الاحد، واعترف بالهزيمة واكد انه دابا غايبدا يوجد لكومبا جديدة، وقال على إنستغرام: “مبروك ليفاري ريختر على الرباح، من بعد 2 جولات قويين تعرضت لركلة واعرة ومثقونة”.

ووضح جمال بنصديق انه ما كانش واجد لهاد الكومبا بسبب الاصابة وقال: “جات الكومبا ديال عشت بكري شويا بالنسبة ليا بسبب الاصابة فالرجل، ولكن راني راضي حيث دخلت وقاتلت”.

واعلن جمال بنصديق انه غايلعب گومبا جديدة بلاما يقول ضد من: “دابا التركيز ديالي على شهر أكتوبر وما قادرش نتسنى”.