كود سبور//

كشف جمال السلامي مدرب الفتح الرياضي أن التنافسية كان عندها دور فالرباح اللي حقق الفريق ديالو على الوداد الرياضي بنتيجة 2 لزيرو، البارح الخميس، فستاد دونور برسم الدورة 1 من البطولة الاحترافية لكرة القدم.

وتحدث جمال السلامي بعد الماتش بين الفتح والوداد وقال فالندوة الصحافية: “سعيد بالنتيجة والأداء كنظن أن كرة القدم فيها شي لحظات اللي كتغير نتيجة المباراة، الوداد جاتهم فرصة فبداية الماتش كانو يماركيو وكان يكون لقاء آخر وكان أيمن ماجد فالمستوى تصدى لها ومن بعد دازت ربع ساعة دخلنا فالمباراة والوداد ما لقاوش فرص وفراغات”.

وأكد جمال السلامي: “ال2 ماتشات الرسميين اللي لعبنا عطاونا أفضلية على الوداد وكنظن أن الواك خانهم الإقاع اليوم حيث ما كاينش التنافسية وهذه حقيقة كنا عانينا منها حنا فالموسم الماضي خلال مجموعة من الماتشات واليوم جينا وحنا لاعبين 2 ماتشات فأعلى مستوى وبالتالي كان عندنا الريتم احسن وعرفنا نتعاملو مع الكرات القليلة اللي جاونا، والفعالية الهجومية كانت حاضرة”.