كود سبور//

انتقد جمال السلامي مدرب الفتح الرياضي الكازون ديال تيران مركب محمد الخامس بالدار البيضاء، بعدما سالا الماتش د الفريق ديالو الضد الرجاء الرياضي ضمن الدورة 8 من البطولة الاحترافية.

وتحدث جمال السلامي بعد خسارة الفتح الرياضي مع الرجاء الرياضي بنتيجة 2 لزيرو وقال: الماتش تلعب فوق أرضية ما كانتش فالمستوى وشكلت عائق على الفريقين فالأول.. تلعب فأرضية بحال هادي وما مسقياش ما تعطيك حتى حافز راه عيب الأرضية اللي لعبنا فيها لا بالنسبة لنا لا بالنسبة للرجاء”.

وقال جمال السلامي: “اليوم الملاعب ديالنا كتشرف وجميع الملاعب ديال البطولة كتخلينا نشوفو مستوى مزيان ولكن اليوم عيب نلعبو ماتش بهذه القيمة فتيران بحال هاكا”.

وكمل مدرب الفتح: “وكنا نطمح لتحقيق نتيجة إيجابية بالدار البيضاء، لأن قيمة المباراة سوا لينا سوا للرجاء غتخلينا نبقاو فمراكز متقدمة”.

وزاد جمال السلامي: “تلقينا هدف مع بداية الماتش أثر علينا حاولنا نرجعو فالشوط الثاني لكن الهدف الثاني ديال الرجاء خلا اللاعبين ينزلو يديهم، هزيمة عادية فالكورة وما كناش نستحقو نربحو”.