الوالي الزاز -كود- العيون///
[email protected]

طلقات مصالح جماعة العيون ممثلة بمصالح الملحقة الجماعية الرابعة وأطر مكتب حفظ الصحة والمحافظة على البيئة، حملة واسعة لمراقبة المخابز والأفرنة بنقط متعددة على مستوى المدينة، فسبيل تجويد خدمات هاد المجال وضمان صحة وسلامة المواطن.

وعلى إثر هاد الحملة الموسعة تمكنات مصالح جماعة العيون من الوصول لعديد النقاط السوداء المرتبطة بمجال صناعة الخبز فالمدينة خاصة على مستوى حي التعاون بنفوذ الملحقة الإدارية العاشرة، واللي ما كتحتارمش المعايير الصحية وكتمس من صحة المواطن وتهدد سلامته بسباب ظروف العمل اللي كشفات الصور مدى خطورتها.

وفهاد الصدد صدرات مصالح جماعة العيون مجموعة من العقوبات الزجرية فحق العديد من الأفرنة والمخابز التي لم تحترم شروط السلامة الصحية ولا تشتغل بمعايير النظافة التي تضمن وصول منتوجاتها للمستهلكين بصفة ملائمة، بالإضافة لتهديدها لحياة المواطنين وكتشكل خطر عليهم.

هاد الحملة لاقت تفاعل كبير فمنصات التواصل الإجتماعي اللي مدحات هاد التدخلات اللي كتقوم بها مصالح جماعة العيون واستحسنات حضورها القوي فمراقبة المنتوجات الموجهة للمواطنين فشهر رمضان، مطالبين بتوقيع عقوبات زجرية أكبر فسبيل إيقاف نشاط هاد المستهترين بحياة المواطن.