وكالات//
ماتت واحد المغنية تايلاندية مشهورة في البلاد ديالها، سميتها فينغ تشيادا، بعدما دارت واحد جلسة تدليك غير مرخص ليها، وتأثرات بالمضاعفات ديالها.
على حساب مقالت بزاف ديال التقارير صحفية تايلاندية، فهاد المغنية لي عندها 20 عام في العمر ديالها، دخلات لواحد مركز تدليك باش تتهنا من مشاكل في الكتف ديالها، بعدما حسات بالآلام فيها.
من بعد حسات بآلام وتنمل في اليد ليسرى ديالها وفي الرقبة ديالها، وصحاب ليها في الأول أنها غير الآثار الجانبية ديال عملية المساج لي دارتو.
وزادت كملات على راسها فين رجعات لنفس السونطر باش تتعافى من هاد الآلام، وهو غير زاد ليها حتى تشللات وطاحت للأرض.
ولقات التحقيقات ان هاد المغنية الشابة تعرضات لفتق خطير في العمود الفقري ديالها، كان من الممكن انها تعالجو بسهولة كون مشات للسبيطار وهو لي تسبب ليها في الموت ديالها.
