عفراء علوي محمدي- كود//
اليوم الخميس 3 يونيو، كاينة جلسة جديدة ديال محاكمة الصحافي المعتقل، سليمان الريسيوني، فمحكمة الاستئناف فكازا، بعد 57 ديال إضرابو على الماكلة.
وكشفات مرات الريسوني، خلود مختاري، ان مدير مندوبية إدارة السجون وإعادة الإدماج، صالح التامك، قدم للنيابة العامة تقرير على الحالة الصحية للريسوني، كيقول فيه أنه فحالة صحية جيدة.
وفتدوينة ليها انتقدات مختاري هذ التقرير، وقالت أن الطبيب اللي دارو كان كيدخل عند الريسوني كل سيمانة وكيحاول يقنعو بوقف الإضراب على الماكلة، حيت “مهدد فأي لحظة بالسكتة القلبية”، كيف قالت المختاري على لسان هذ الطبيب
ومتابع الريسوني بتهم هتك العرض بالعنف والاحتجاز فحق شاب، وهي التهم اللي كينفيها، والمتضامنين معه كيعتبروها “ملفقة”.
https://m.facebook.com/story.php?story_fbid=957648411703378&id=100023746840914