كود – كازا ///

أحيا ناشطون ب بويرتو ديل روساريو (فويرتيفنتورا)، البارح الجمعة 26 يوليوز الحالي، الذكرى السنوية الخامسة والعشرين لغرق أول فلوكة ديال الحراگة المغاربة فسواحل الأرخبيل، واللي أسفرت عن وفاة 9 ديال الشباب المغاربة، من بينهم قاصر من گلميم لا يتجاوز عمره 15 سنة.

وف 24 يوليوز 1999، تفاجأ سكان الجزيرة بوجود جثث لفظها البحر بعد اصطدام الفلوكة اللي كانت عامرة بحوالي (14 – 21 شخص) بصخرة. وقال الناجون أنهم دفعو تقريبا 4000 درهم مغربي، أي حوالي 70000 بسيطة إسبانية فهذاك الوقت، للحريگ ف فلوكة طولها 6 أمتار بمحرك قوته 15 حصان.

وبعد ساعات على الواقعة، بدا شاطئ لا سينورا ف استقبال قوارب الإنقاذ وطائرات الهليكوبتر وطواقم للبحث عن ناجين من اول مأساة موثقة على الطراجي ديال الكناري، اللي يعتبر واحد من أكثر المسارات البحرية للهجرة السرية اللي كتعرف حوادث غرق على المستوى العالمي.