اسماء غربي – كود//
هاد الايام مسركل فيديو خانز د “مؤثرة” جزائرية سميتها كريمة، فيلماتو فالسطوند د المغرب فمعرض الفلاحة فالعاصمة الفرنسية باريس.
الجزائرية جات للجناح ديال المغرب وبدات تسب فالمغاربة والمغرب وفرنسا واسرائيل. ماخلات ما قالت، لمحات ان المغربيات عاملات الجنس ووصفات المغاربة بTête de negroide اي وجوه الزنوج، وصف عامر عنصرية وانحطاط!
وكانت هاد خيتي كتطلب من المغاربة الإذن بالتصوير وكيسمحولها بطيبوبة خاطر وبإبتسامة، وهي كتعاير فيهم وتعرگ لهم..
ونشر المسؤول الحكومي والناطق باسم حزب الاستعادة Reconquête الفرنسي، جان مسيحة، تويت على ايكس مرفوق بالفيديو العنصري، وقال فيه ان العدالة خاص تتدخل حيت : هاد الموسخة خاصها تحاكم بسباب تصريحاتها العنصرية والبغيضة عن فرنسا والمغرب.
وكتب جان مسيحة : تعرفوا على المؤثرة الجزائرية كريمة س. اللي هانت المغاربة فجناحهم فمعرض الفلاحة ووصفتهم بـ “الرؤوس الزنجية” ووصفت فرنسا بـ “عدوة الله”.
