كود -ورزازات//

فيلم ”The Hourglass“ الساعة الرملية” ديال المخرج كيم نغوين،  كيتصور فعدد  من لبلايص اللي من بينها المغرب، هاد الفيلم لي جاي من قصة حقيقية ديال إديث بليز وصاحبها لوكا تاكيتو، اللي تخطفو فمالي لمدة 465 يوم عند جماعة إرهابية، قبل ما يقدرو يهربو ويرجعو للحياة ديالهم.

القصة مأخوذة من كتاب كتباتو إديث بليز، عاودات فيه بالتفصيل على هاد التجربة القاصحة وسط الصحرا، فالفيلم الممثلة مارين جونسون غادي تلعب دور إديث، أما لوكا كولوتشي غادي يجسد دور صاحبها مني كانو مخطوفين..

التصوير بدا فـجزر الكناري، ومن بعد داز المغرب كمحطة مهمة، حيث كيعاون فإعادة تصوير الأجواء الصحراوية القريبة للواقع ديال القصة، ومن بعد غادي يكملو فـمونتريال، اختيار المغرب جا حيث فيه مناظر طبيعية صحراوية متنوعة لي قريبة بزاف للبيئة ديال الساحل.

الفيلم هو إنتاج مشترك بين كندا وفرنسا، وكيجمع حتى ممثلين آخرين بحال ديوك كوما ومولود عياد.

ومن المنتظر يتعرض فمهرجانات دولية بحال مهرجان كان السينمائي، قبل ما يخرج رسمياً فـكندا فـ 2027.