وكالات//

هزات واحد الجريمة جديدة خايبة بزاف مدينة نيويورك الميريكانية، كانت الضحية ديالها واحد المراة كانت كاتسنا الميترو في بروكلين.

وعلى حساب مبان في فيديو ديال الكاميرا لي كانت في ميترو الأنفاق، فواحد خونا شاف واحد السيدة ناعسة وهي كتسنا الميترو ديالها، وهو يشعل فيها العافية.

وكيبان كيفاش المتهم جبد بريكة وشعل العافية في الحوايج ديالها، وهي تموت في نفس البلاصة محروقة.

مفوضة الشرطة جيسيكا تيش، وصفات الحادثة بأنها من “أبشع الجرائم لي عرفاتها المدينة ولي ممكن ترتاكب ضد شي إنسان حر”.

التحقيقات الأولى لقات بان السيد معندو حتى علاقة بالسيدة لي ماتت، والفيديو كيبين أنهم مكيعرفوش بعضياتهم ومهضروش كاع قبل الجريمة.

وقدرو البوليس أنهم يشدو المشتبه به بعد ساعات قليلة من الجريمة الخطيرة لي دار.