كود – كازا ///
قالت مجلة “پاري ماتش” الفرنسية، أنه تم توجيه الاتهام رسميا إلى مراهق كيبلغ من العمر 16 عام، للاشتباه ف مسؤوليته الجنائية فمقتل الشابة المغربية سكينة البالغة من العمر 24 عام ف مارسيليا ف شتنبر الفايت، واللي كانت كتدرس الحقوق.
وأضافت المجلة ذاتها، أن الضحية تصابت ف راسها بقرطاسة طايشة من كلاشينكوف خلال اشتباكات بين 2 ديال العصابات على ترويج المخدرات. الضحية كانت ف لاشمبر ديالها والشرجم محلولة وطلات باش تعرف آشنو واقع، لكن جات فيها قرطاسة وجاها موت دماغي، وتم نقلها إلى الصبيطار، وماتت بعد يومين من الحادث..
